Apat (4) na rason kung bakit magandang gumawa ng account sa Paypal

Ang Paypal napakakilala at sikat dahil isa ito pinakamalaki at malawak na taga-proseso ng pagbabayad at pagpapadala ng pera. Isa din ito sa pinakamadaling paraan upang magpadala at tumanggap ng pera kahit saang parte ng mundo.

Ang pagrehistro o pagpapalista sa website ng Paypal ay libre at napakasimple lamang. Kailangan mo lang ng email address at ang iyong bank account. Ang email address na iong ginamit sa pagpapalista sa Paypal ay iyon din nag iyong Paypal ID o sa ibang tawag, ito ang iyong Paypal account number. Pagkatapos mong magparehistro kailangan mo'ng patotohanan o i-verify ang iyong Paypal account sa pamamagitan ng pag-input sa iyong bank mga account details.

Sa artikulong ito ay ating tignan kung bakit kailangan mo na mag bukas ng account sa paypal.

1. Ang Paypal ay libre

Isa sa mga importanteng rason kung bakit kailangan mong magbukas ng Paypal account ay dahil ito ay isang daang porsiyentong (100% na) libre.Sa pagbukas mo ng account sa kanila, wala kang babayaran na fee o charges, buwanan o taon-taon. Gayunman, simpre may maliit na fee or charges na kailangan mong bayaran kung meron kamang transaksiyon tulad na kung magpapadala ka ng pera sa taong ninanais mo.

2. Ang platform ng Paypal ay secured

Walang dapat alalahanin sa lahat ng transaksiyon sa pagitan ng bumili at nagtitinda dahil garantisadong ang transaksiyon ay secured online. Isa pang magandang serbisyo ng Paypal ay ang refund policy nila. Halimbawa, tutulungan ka ng mga empleyado ng Paypal na mabalik sa'yo ang iyong pera kung ang nagtitinda o seller kung saan ka bumili ay isa pa lang scammer. Basta i-report at magreklamo lang sa kanilang costumer support service.

3. Ang Paypal ay kilala sa buong mundo

Ang Paypal ay nabuo at sinimulan noong 1998 sa United States hangang ngayon ay patuloy itong namamayagpag at lumalago sa mga nagdaang taon kung saan tinatangkilik ito ng mga online sellers at buyers. Ang pakikipagtransaksiyon online gamit ang platform ng Paypal ay pwedeng ma-access at gamitin sa 196 na bansa. Karamihan ng mga mangangalakal, nagtitinda online (seller) pati na ang mga may trabaho online tulad nga freelance writers, webmasters, online marketers atbp ay mas pinipili ang platform ng Paypal dahil ito'y madali at mabilis ang pag-access, paggamit nito at ang pagtanggap ng pera (bayad o suweldo) gayun din sa parte ng mga online customer.

4. Matapat at totoo ang kanilang serbisyo

Pinipili ng mga lehitimong maliliit man o malalaking mangangalakal, mga negosyante at pati na rin ng mga propersyunal ang Paypal dahil sa tapat at seryosong serbisyo nito. Mas gusto ng mga ito ang gumamit ng platform ng Paypal dahil sertipikado ang kanilang serbisyo at matagal na sila sa ganitong larangan.

Nakapamahusay at maganda rin ang kanilang serbisyo sa customer support. Pwede mo silang makausap sa pamamagitan ng pagpapadala ng e-mail at siguradong sasagutin ka nila agas o kung hindi naman kaya ay pwede mo rin silang makausap ng personal gamit ang iyong telepono. Minsan, tumatawag ang mga empleyado (staff) ng Paypal costumer support sa mga customer na humingi ng support o tulong para mas malaman nila ng personal kung ano ang problema ay nang masmapadali ang imbestigasyon at maresolba nga kanilang problema.

Iyan ang apat na rason kung bakit magandang mabukas ng Paypal account. Isa din na maganda ang Paypal ay dahil sinisigurado nilang secured, certified at verified ang mga mangagalakal (sellers) at mga tumatangkilik nito (buyers/ customer). Sinisigurado din nila na walang iligal na mga aktibidades ang nagaganap sa kanilang platform kung saan sinasara nila ang mga accounts ng mga scammer at hindi lihitemong negosyo para maiwasan ang scam at identity theft.