Magkano ang maximum withdrawal at transaction limit ng Metrobank Debit/ ATM Card per day

Nakuha mo na ba ang iyong Metrobank Debit/ ATM Card at nakadeposito ka na ng pera dito. Ngayon gusto mong gamitin ang iyong  Metrobank Debit/ ATM card sa pag-withdraw ng iyong funds o pagbayad sa inyong shopping o di kaya'y pambayad sa mga binila ninyo online. At biglang napatanong ka magkano ang daily maximum withdrawal at transaction limit ng iyong Metrobank ATM Card.

O di kaya napatanong ka, paano kaya kung nalampasan ang daily withdrawal limit ng aking Metrobank ATM Card. Sa iyong Metrobank ATM card, siguradong malaki-laki din ang halaga ng daily withdrawal limit para sa 'yo.

Metrobank ATM Card Daily Maximum Withdrawal Limit at Transaction Limit (Local & Abroad)

Ang maximum ATM card withdrawal limit at transaction limit ng inyong Metrobank Debit/ ATM Card sa isang araw ay hangang PHP 30,000 lamang. Kung sa ibang foreign currency naman, dapat din itong kasing halaga ng PHP 30,000.

Ibig sabihin, kung mas higit pa sa PHP 30,000 ang kailangan mong i-withdraw sa araw na 'yon, kailangan mong pumunta sa pinakamalapit na branch ng Metrobank para makapag-withdraw.

ATM Card withdrawal and Transactions in the Philippines and Abroad

Gamit ang iyong Metrobank Debit/ ATM Card, libre ang balance inquiry at withdrawal basta gamit din ang Metrobank ATM machines kahit saan.

Kung sa ibang ATM machines ng ibang bangko ka magche-check ng balance o magwithdraw ng funds, sa PSBank, libre ang balance inquiry pero may additional fee na PHP 7.50 kapag nagwithdraw. Sa ibang ATM machines ng ibang bangko naman, PHP 2.00 para sa balance inquiry at PHP 11.00 kung magwi-withdraw. At kung ikaw ay nasa labas ng Pilipinas, US$ 1.00 ang balance inquiry at US$ 3.50 naman ang withdrawal.

ATM Networks

Ito yung mga local at international ATM networks machines na pwede mong gamitin para sa balance inquiry at para makapagwithdraw ka, pero mayroon pong additional fee tulad ng mga nabangit sa taas.

Local ATM Networks:

• Bancnet
• Megalink
• ExpressNet

International ATM Networks:

• Mastercard
• Maestro
• Cirrus
• Visa
• UnionPay
• JCB
• Discover
• Diner's Club International

Other Transactions

Libre ang transaction ng inyong Metrobank Debit/ ATM Card sa mga sumusunod:

Bills payment;
Fund transfer (sa parehong Metrobank branch at parehong rehiyon);
POS Purchase;
Online Purchases;
Buy Load (through ATM/Online/Mobile/Phone)

Pero may additional fee ang inyong transaction gamit ang inyong Metrobank Debit/ ATM Card sa mga sumusunod:

Fund Transfer - sa parehong bangko ng Metrobank sa ibang rehiyon;
Fund Transfer - sa ibang Bancnet members;
Buy Load - Over-the-counter

Dagdag Kaalaman

Kung magpapasara ka ng Metrobank Debit/ ATM Savings account sa loob ng 30 araw mula noong nagbukas ka nito ay may additional fee na PHP 200. Kung nawala o gusto mong magpa-renew ng iyong Debit/ ATM Card dahil nasisira na ito, kailangan mong magbayad ng PHP 150 para sa bagong Debit/ ATM Card.