Ano ang pinagkaiba at mas maganda para sayo - Credit card, Debit card o Prepaid card

Ang Credit card, Debit card at Prepaid card ay mga halimbawa ng Electronic payment o e-payment ATM cards na pwedeng pagpiliin kung nais kumuha nito. Nagagawa nitong mas padaliin at pabilisin ang mga transaksiyon sa pagbili at pagbayad ng produkto at serbisyo kung saan nagiging normal na tinatangkilik ito ng mga tao ngayon dahil sa mas praktikal itong gamitin.

Ano ang mas maganda - credit card, debit card o prepaid card?

Ngayon, gusto mong malaman kung ano mas naaangkop para sa'yo - credit, debit o prepaid card ba. Tatalakayin natin kung anu-ano ang mga benepisyong makukuha mo dito at mga features nito.

Mga benepisyo ng Credit card

Kung gagamit ng Credit ATM card sa mga transaksiyon, mangungutang mismo ang card holder ng pera mula sa card issuer (ng credit card) para makompleto ang pagbili at pagbayad. Nakadepende din ang credit limit ng tao sa kung magkano ang kaya nilang bayaran kung nangutang ito. Sa paggamit din nito,  mayroon din mga rewards, rebates, mga eksklusibong deals sa mga produkto o serbisyo at pwedeng gamitin ito sa mga installment payments.

Sa installment payments, imbes na bayaran ang buong halaga ng isang produkto, pwede itong paghati-hatihin. Maari mo itong bayaran buwanan, pwedeng sa loob ng 3 o higit pang buwan. Halimbawa, may isang produkto, ang halaga nito ay PHP 12,000 at gusto mo itong bilhin at bayaran gamit ang credit card installments sa loob ng 4 na buwan, hatiin lamang ang halaga nito sa 4 na buwan. Kung magkano ang lalabas (PHP 3,000), ito ang babayaran mo kada buwan.

Sa credit card, pwede din ito sa pagpapabook ng flights, hotels, accomodations. Maari rin na kumita ng credit score sa paggamit nito na pwedeng gamitin kung sapat ito.

Limit: Depende sa credit limit
Payment: Hihiram ng pera (mula sa card issuer) pero dapat bayaran bago ang nakatakdang araw na pagbabayad sa billing cycle
Fees at Penalties: Papatungan ng interest ang hindi nabayarang pera at may penalties para sa huling
Withdrawals via ATM: Maaring magwithdraw ng portion ng credit limit (may corresponding fee)
Maintaning Balance: Wala

Mga benepisyo ng Debit Card

Ang Debit ATM card ang mas praktikal sa lahat. Kung gagamitin ang debit card sa mga transaksiyon, awtomatikong ibabawas ang halaga ng binayaran sa savings account ng card holder. Pwede itong gamitin sa mga POS at online purchases.

Limit: Depende sa halaga ng pera na nakadeposito sa savings account
Payment: Naibabawas ang halaga ng babayaran sa savings account
Fees at Penalties: Walang interest fees pero pwedeng may overdraft fees
Withdrawals via ATM: Pwede
Maintaning Balance: Meron

Mga benepisyo ng Pepaid Card

Sa Pepaid ATM card naman, kailangan itong loadan na parang sim card lang at hindi din ito nakonekta sa anumang bank account. Maari din itong gamitin sa mga POS at online purchases. Yung ibang nag-aalok nito, wala silang record ng mga transaksiyon na nagaganap dito (pwedeng magbasa at magtanong patungkol dito).

Limit: Reloadable, maaring over-the-counter (OTC) o bank transfer (pwedeng may fee)
Payment: Ibabawas sa balanse o load ng prepaid card
Fees at Penalties: Wala
Withdrawals via ATM: Pwede (yung iba hindi)
Maintaning Balance:  Wala

Ano ang nababagay sayo - credit card, debit card o prepaid card?

Kung ayaw mong gumamit ng Credit card dahil ayaw mong mangutang o kaya dahil sa hindi ka sanay na magbayad (ng utang) sa tamang oras ng pagbabayad at dahil may interest fee at penalty ito, Debit card o Prepaid card ang pwede mong pagpilian. Sa ganung paraan, mas malilimitahan ang iyong paggastos ng pera at malalayo sa mga utang.

Sa Debit at Prepaid card naman, ang pinagkaiba ng dalawa, sa debit card ay kailangan may maintaining balance habang ang prepaid card ay hindi na kailangan ng maintaining balance.

Iyan ang mga kalamangan at kawalan ng paggamit ng  Credit card, Debit card at Prepaid card. Anuman ang sa tatlo ang iyong pipiliin, siguraduhing basahin at pag-aralan ang mga Terms and Conditions ng mga ito. At huwag mahiyang magtanong sa bank/branch personnel kung may hindi naintindihan.

Ikaw, ano sa tingin mo ang nababagay para sa'yo?